Səfərbərlik və Hərbi Xidmətə Çağırış üzrə Dövlət Xidmətinin Aparatında 18 yanvar 2013-cü il tarixində "20 yanvar ümümxalq hüzn günüdür" mövzusunda anım mərasimi keçirilmişdir.
Tədbirdə 1990-cı il yanvar ayının 20-də sovet qoşunları tərəfindən dinc xalqımızın başına gətirilmiş müsibətlərdən söhbət açılmış və 20 yanvar faciəsini əks etdirən sənədli film nümayiş etdirilmişdir, faciə qurbanlarının xatirəsi bir dəqiqəlik sükutla yad edilmişdir. Tədbirdən sonra Xidmətin şəxsi heyəti tərəfindən Şəhidlər Xiyabanına ziyarət təşkil olunmuşdur.
Qeyd edək ki, 20 yanvar faciəsi ilə bağlı Xidmətin Aparatında fotosərgi də təşkil olunmuşdur. Fotosərgidə faciəni əks etdirən fotolar, kitab və jurnallar, o dövrün qəzetləri sərgilənmişdir.
